داروپايي اتحادیې احصایې ښيي چې د ۲۰۲۴ کال په اوږدو کې، په دې اتحادیه کې دپناه غوښتنو شمېر تر یو میلیون کم شوی دی.
په ۲۰۲۴ میلادي کال کې، داروپايي اتحادیې په غړو هېوادونو کې دپناه غوښتونکو شمېر په لومړی ځل ۹۱۲ زرو کسانو ته راټیټ شوی، چې دا دتیرکال پرتله ۱۳ سلنه کم دی.
سوریان تر ټولو لویه ډله پناه غوښتونکي وو، چې له ۱۴۸ زرو نوو غوښتنو سره یې د ټولې اتحادیې ۱۶ سلنه جوړوله. تر سوریانو وروسته، ونزویلایان (نژدې ۷۳ زره غوښتنې) او افغانان (شاوخوا ۷۲ زره غوښتنې) په دوهم او درېیم ځای کې وو.
دراپور له مخې، دپناه غوښتنو په دې شمېر کې ۳۶ زره بېسرپرسته ماشومان هم شامل وو، چې زیاتره یې دسوریې (۳۲٪)، افغانستان (۱۶٪) او مصر (۸٪) وو.