بر اساس یک اعلامیه معاونت اقتصادی ریاست‌الوزراء، ملا عبدالغنی برادر معاون اقتصادی ریاست‌الوزراء روز دوشنبه با شماری از سرمایه‌گذاران ازبکستانی دیدار کرده است.
منبع می‌افزاید که سرمایه‌گذاران ازبکستانی علاقمندی شان را برای سرمایه‌گذاری در بخش‌های استخراج و پروسس زغال‌سنگ، تولید برق از زغال‌سنگ، احداث تصفیه‌خانه معیاری نفت، ساخت کارخانه سمنت، استخراج معادن نمک و تولید نمک معیاری، ساخت کارخانه نساجی معیاری و حکومت‌داری الکترونیکی در افغانستان، اعلام کردند.
در همین حال ملا عبدالغنی برادر، به این سرمایه‌گذاران اطمینان داده که وزارت‌ها و اداره‌ها در بخش‌های مربوطه با آنان همکاری خواهند کرد.
گفتنی است که پیش از این نیز سرمایه‌گذاران از کشورهای مختلف به خصوص ترکیه، چین و روسیه، علاقمندی شان را برای سرمایه‌گذاری در افغانستان در بخش‌های مختلف اعلام کرده بودند.