بخش کلتوری افغان جرمن آنلاین

سید عبیدالله نادر

یو څو ښکلی چلیریزیی

ماته ژبـــــــــــه د فریاد لـــکه بلــبل را
چوپه خوله کی په چوپتیا ویــنا د ګل را
چی محـر م شمه د ټول عالــم د زړونو
علمیـــــــــت او بصیرت د صاحـبدل را

***
معرفت کی هسی زوز تاب و تــوان را
په تیاره ګوګل کی زړه راته روښان را
چی جهان دنفرتـونوپــری بـــــــدل کړم
داسی ژبه د ویـیـلو او بیــــــــــــــان را

***

چې یو ځای نکړو نظر ، او خپل فـکرونه
لــــه کیني څخه پاک  نکړو، خپــل زړونه
دغه ستونزی چي مو مخي ته پرتــــي دي
دا به ونیسي په خوا کي ډ یر کلــــــــــو نه

***
داسی څوک نشته چي شي پوه د هر یو ګل په ژبه
په غرو رغو کې د بورا او د بلبــــــــــــــــل په ژبه
خاونده ورکړه د رازونو ، نیـــــــــــــــــازونو ژبه
چې وپوهیږي درد من، او صاحبــــــــــدل په ژبه

***

د بشر قـــافله ښکته شوه ، سپوږمئ کې
مونږ تر اوسه یــو لا پاتی، تروږمی کې
مدنیـــــــت انګازې لاړې، کهکــشان ته
مونږمشهوره د نړی شـــو ، نادانئ کې

***
هلته د علم بیــــــــړی ، د معرفت خواته ځي
دعلم و فن په رڼا، مخ په وحدت خواته ځي
دلته زمونږ، امیــــــــدونو ارمانو قـــــــــافله
تورتمو کي ده روانه جهــــــــالت خواته ځي
***