Skip to main content

بخش کلتوری افغان جرمن آنلاین

Go Search
صفحه نخست
خبرونه
تحليل ها و پيام ها
آثار علمی و تحقیقی (حبیبه)
مرکز دیجیتال سازی کتب
قاموس کبیر افغانستان
  
افغان جرمن آنلاین > بخش کلتوری افغان جرمن آنلاین > مطالب تحریری فرهنگی > د مینې پیغامبره  

مطالب تحریری فرهنگی: د مینې پیغامبره

AFGHAN GERMAN ONLINE
http://www.afghan-german.de
http://www.afghan-german.com
نویسنده/ارسالی: سمیع الدین افغانيتاریخ: 2/13/2013

د مینې پیغامبره

 

زما د مینې پیغامبره ته مې زړه کې اوسې

ای نازولی د زړه سره ته مې زړه کې اوسې

 

زه دې په مینه باندې پایم ته قبله یې زما

ای دکعبې ښکلی منظره ته مې زړه کې اوسې

 

ته یې ښکلا ته یې رڼا د دردیدلو زړونو

ای د زرینو وړانګو لمره ته مې زړه کې اوسې

 

که هرڅو لرې یې ترما نن دهجران تیارو کې

لرې مې نه یې د نظره ته مې زړه کې اوسې

 

زه دې درتلو ته هرګړۍ هره شیبه شمیرمه

دمین زړونو مازیګره ته مې زړه کې اوسې

 

سپیڅلې مینه کله هم د هیریدلو نه ده

ای د موجونو سمندره ته مې زړه کې اوسې

 

ته وسیله د راز او نیاز یې د غمجنو زړګو

ای مدني نورالبشره ته مې زړه کې اوسې

 

په تا که مینه شته اخلاص شته نعمتونه شته دي

د افغاني د زړه مظهره ته مې زړه کې اوسې

  افغان جرمن آنلاین تاسو په درنښت همکارۍ ته رابولي. په دغه پته له موږ سره اړیکه ټینگه کړئ    acc@afghan-german.de
یادښت: دلیکنې د لیکنیزې بڼې پازوالي د لیکوال په غاړه ده ، هیله من یو خپله لیکنه له رالیږلو مخکې په ځیر و لولئ