لا به تر څو؟
چې موهم وژنې هم ارمان ته مو په سپکه ګورې
د عزمتونو لوی جهان ته مو په سپکه ګورې
زموږ په مالت اغياره ستا د تريو تندي اثردی
ته هست او بود عصر،زمان ته مو په سپکه ګورې
موږ په زړګو قوي احساس د پاکې مينې روزو
ته څله وياړ د هر افغان ته مو په سپکه ګورې
زموږ د هيلو ، ارمانونو به سحر مالوم شي
رقيبه ته د ژوند داستان ته مو په سپکه ګورې
اوس مو احساس اود زړه درد سره قلم شريک دی
ته دا وطن جنت نشان ته مو په سپکه ګورې
دلته انګريز،چنګيز او سره په ندامت وتلي
لوړ ارادو قوي ايمان ته مو په سپکه ګورې