بخش کلتوری افغان جرمن آنلاین

 

ازمون

 

څه رنګینه شان موقه ده

   د تاریخ  حساس شیبه ده

 

سرنوشت په بله اوړي

د افغان د ژوند صفحه  ده

 

زما  ، ستا چې د لسیزو

د حالاتو نه ګیله ده

 

اوس راپاڅه لاس په کار شه

چې د مرګ او ژوند کیسه ده

 

 ښه یې وینو چې ډوبیږو

لا هم وینه مو  سړه ده

 

د افغان نسل ورکیږي

ترې نه  پا ته قافله ده

 

نن د وخت بدنام سالار بیا

د ولس په سره دعوه ده

 

سره یو شئ چې ورکیږو

د غلیم سره مو شپه ده

 

شهامت موږ ته پکار دی

چې ویرجنه سلسله ده

 

سرنوشت  خپله په لاس کړئ

د پردو نه  څه ګیله ده

 

که یو نه شو نو ورکیږو

پکار عزم اراده ده

 

اوس لا هم  زموږ د نیکونو

لوټه  شوی حماسه ده

 

پوه رهبر درول  عواړو

دا مو   عزم اراده ده

 

اتفاق نه هر څه جوړ شي

 د یووالي لار کره ده

 

افغاني په دې موقه کې

ورور ګلوۍ اصلي چاره ده