سره مزه کا
يو څو ښکلې ټپې د يــــه قــــربـان ســـره مزه کـا
محفل د ټنګ ټکـور خواږه یــــاران ســره مزه کـا
سندره مې تر غوږ شوه یه قربان قربـان ناروکې
ټپــــه د مـــلالۍ د جنــګ ميــــدان ســره مـزه کـا
مجنوون هم دلیلا په مينـه ســرپــه بيـــابـــان وه
د مينې ليونی څیـــرې ګریـــوان ســــره مـزه کــا
کعبه هم د بـــلال د تکبيـــــرونـــــو اذانګــــه وه
جذبـــه د ديـــــانت د پــــاک ايمان ســــره مزه کا
کلونه پـه موږ تير شول د حــالاتو نـــه شاکي يـو
يـو والی ، همغګۍ د هـــر افغان ســــره مـزه کا
دا نن هم لا موقـــه ده چې وطن سـره آباد کـــړو
پيشرفت او تـرقي عصر، زمـــان ســــره مزه کا
راځئ ای خوږو ورنو چې يو موټی يوپيمان شو
جذبه د ورورګلوۍ زموږ د شان ســــره مزه کا
ترڅو پــردوملکو کې بــه د هجـــر شيبې شمارو
ښايسته کلي ، بانـډې افغانستان ســره مـــزه کا