Skip to main content

بخش کلتوری افغان جرمن آنلاین

Go Search
صفحه نخست
خبرونه
تحليل ها و پيام ها
آثار علمی و تحقیقی (حبیبه)
مرکز دیجیتال سازی کتب
مدیریت تحلیل ها و اخبار
قاموس کبیر افغانستان
  
افغان جرمن آنلاین > بخش کلتوری افغان جرمن آنلاین > مطالب تحریری فرهنگی > پښتنه میرمن وایي  

مطالب تحریری فرهنگی: پښتنه میرمن وایي

AFGHAN GERMAN ONLINE
http://www.afghan-german.de
http://www.afghan-german.com
نویسنده/ارسالی: امان الله سېلاب ساپیتاریخ: 5/17/2013

شهید امان الله سېلاب ((ساپی))

پښتنه میرمن وایي

اې پښتونه خپل همت مه خرڅوه!

د خپل پلار مال او ثروت مه خرڅوه!

د نفاق په پوله وانخلی قدم ته

دا ژوندون د حریت مه خرڅوه!

چې همیش دې د وطن پت دې  ساتلی

ته نن  دا په هیڅ قیمت مه خرڅوه!

چې بدل نوم  د پشتون په  بل څه  نه کړې

راشه دا شان او شوکت مه خرڅوه!

لاس وانخلې له خپل عزم او پښتو نه

دا  دقام ښه  شرافت مه خرڅوه!

تا له  پاتې په  میراث کې نور څه نه دي

دا میراث  ننګ او غیرت مه خرڅوه!

دا ژوندون  آزاد  د لوړو غرو د څوکو

د غلام  په سلطنت مه خرڅوه!

ننګیالی نوم دې خپور شوی  دې  جهان کې

دا صفت په  ډیر دولت مه خرڅوه!

دا دپلار نیکه  آثار ښکلي  ډاګونه

د غماز په شفقت مه خرڅوه!

ستا سینګار  په  فیشن نه دی په غیرت دی

دا د ځان  ډول زینت مه خرڅوه!

خپلواکۍ باندې که ستا سرومال  لاړ شي

آزاد  ژوندون په اسارت مه خرڅوه!

اې ((سیلابه)) خپل  تاریخ  ته نظر وکړه

آزادي  دې  د فطرت  مه  خرڅوه!

شاعر : شهید امان الله سېلاب ((ساپی))

ترتیب کوونکی : انجنیرعبدالقادرمسعود

آزاد ژوند

اوچت  دې  تل  نشان وي  په  جهان  د  آزادۍ

بر باد دې  همیشه وي  غلیمان  د  آزادۍ

ژوندي به څه  وي هغه  چې  یې واک  اختیار د بل  وي

دا شان عمرونه  زار له یو  آن  د آزادۍ

دنیا  ورته سر ښکته په  تعظیم  وي  تر  قیامته

کوم قام  چې  سرومال  کاندي قربان  د  آزادۍ

په سرومال  ډیل  نه  دی  د آزاد  ژوند لپاره

له څیرمې  پښتانه  دي  مینان  د  آزادۍ

وطنه ستا  په مینه تل  تیار زلمي  ایثار ته

سېلاب لکه بلبل  دی غزلخوان  د  آزادۍ

ترتیب کوونکی : انجنیرعبدالقادرمسعود

 

  افغان جرمن آنلاین تاسو په درنښت همکارۍ ته رابولي. په دغه پته له موږ سره اړیکه ټینگه کړئ    acc@afghan-german.de
یادښت: دلیکنې د لیکنیزې بڼې پازوالي د لیکوال په غاړه ده ، هیله من یو خپله لیکنه له رالیږلو مخکې په ځیر و لولئ